مختلف واقعات میں چارافرادکی موت

دیوریا(وارتا)دیوریامیں گزشتہ چوبیس گھنٹے کے دوران الگ الگ واقعات میں ایک خاتون سمیت چارافراد کی موت ہوگئی۔ پولیس ذرائع کے مطابق ترکلواتھانہ علاقہ کے منڈیرا بابوگاؤں کے قریب کشی نگر کا باشندہ دنیش (۲۲)موٹرسائیکل سے اپنے گاؤں جارہاتھا۔اچانک ایک تیز رفتار جیپ نے اس کی موٹرسائیکل میں ٹکر ماردی۔ٹکر لگنے سے دنیش کی موقع پر ہی موت ہوگئی۔اس کے علاوہ بھٹنی -وارانسی ریل ڈویزن پر گاؤںگوپال پور کے قریب گاؤں چاندپلیا کے باشندہ راکیش نے ٹرین کے سامنے کود کر خودکشی کرلی۔ایک دیگر حادثہ میں بتھولہ تھانہ علاقہ کے گاؤں مسجدیا کی رہنے والی لال متی مشتبہ حالات میں آگ سے جھلس گئی۔ شدید طور سے جھلسی عورت کی ضلع اسپتال میں علاج کے دوران موت ہوگئی۔اس کے علاوہ اکونا تھانہ علاقہ کے گاؤں پچلڑی میں گرّاندی میں نہاتے ہوئے دس سالہ لڑکی کی غرقاب ہونے سے موت ہوگئی۔