کرینہ کپور’سنگھ از بلینگ‘میں اکشے کمار کی ہیروئن بنیں گی

ممبئی: بالی ووڈ اداکارہ کرینہ کپورخان جو خطروں کے کھلاڑی اکشے کمار کے ساتھ پہلے بھی ساتھ فلمیں کرچکی ہیں۔ایک مرتبہ پھر ان کی ہیروئین بننے جارہی ہیں۔ ہندوستان میڈیا روپورٹس کے مطابق نواب پٹودی خاندان کی بہو فلم ’’سنگھ از بلنگ‘‘ میں اکشے کمار کے ساتھ مرکزی کردار ادا کریں گی۔ واضح رہے کہ کچھ عرصہ قبل بالی ووڈ میں افواہیں گردش کررہی تھیں کہ ہدایتکار پروبھودیوا اس فلم میں اکشے کمار کے ساتھ کترینہ کیف کو ہیروئن لے رہے ہیں مگر اب ان سب خبروں کا خاتمہ ہوتا نظر آرہا ہے کیونکہ پروڈیوسر اشونی یاردی کی طرف سے کرینہ کو اس کردار کی پیشکش کردی گئی ہے اطلاعات کے مطابق اداکارہ نے اسکرپٹ کو پسند کرتے ہوئے فلم میں کام کرنے پر آمادگی کا اظہار کردیا ہے۔ فلم کی عکس بندی جلد ہی شروع کی جائے گی۔ کرینہ اور اداکار اکشے کمار ماضی میں سات فلمیں اکٹھے کر چکے ہیں۔ادھر ہندوستان میڈیا کے مطابق کرینہ کپور کو حال ہی میں ہدایتکار سوجے گھوش کی طرف سے بھی فلم ’’درگارانی سنگھ‘‘ میں کام کرنے کی پیشکش کی گئی ہے اور اداکارہ نے اس میں بھی کام کرنے پر آمادگی کا اظہار کر دیا ہے دونوں فلموں
کے پروڈیوسرز کا کہنا ہے کہ اداکارہ کی طرف سے فلم میں کام کرنے پر آمادگی تو ظاہر کردی گئی ہے مگر ابھی اس سلسلہ میں مزید کام ہونا باقی ہے اور فلم کی کاسٹ کا اعلان باقاعدہ تقریب کے دوران کیا جائے گا۔ادھر کرینہ کپور کی اجے دیوگن کی فلم ’’سنگھم ۲‘‘ کی شوٹنگ کا نیا اسپیل گوا کے شمال میں چند روز قبل شروع ہوچکا ہے۔ ہدایتکار روہت شیٹی کے مطابق گوا میں فلم کی عکسبندی۱۵روز میں مکمل کرلی جائے گی اور زیادہ تر شوٹ انڈور ہوں گے تاہم کچھ مناظر گلیون میں بھی عکسبند کیے جائیں گے جس کے لیے کچھ علاقے کو منتخب کرلیا گیا ہے۔
سلمان – کٹرینہ کے مداحوں کی یہ خواہش رہ جائے گی ادھوری ؟
ممبئی ۔ کچھ وقت پہلے خبریں آ رہی تھی کہ سلمان خان اور کٹرینہ کیف فلم کک میں دو سال بعد بڑے پردے پر ساتھ نظر آئیں گے ، لیکن اب لگتا ہے شائقین کی یہ خواہش فی الحال ادھوری ہی رہ جائے گی ۔ کٹرینہ نے اس خبر کو مکمل طور پر مسترد کر دیا ہے ۔کٹرینہ کیف کے ترجمان نے ان خبروں کو بے بنیاد بتایا ہے ۔ ان کا کہنا ہے کہ کیٹ کو ساجد ناڈیاڈوالا کی فلم کک کے لئے کوئی پیشکش نہیں ملا ہے ۔ انہوں نے کہا کہ ، کیٹ سلمان کے ساتھ کک میں کوئی آئٹم نمبر نہیں کر رہیں ہیں ۔کچھ وقت پہلے خبریں تھی کہ سلمان کی اگلی فلم کک میں دیپکا نہیں بلکہ کٹرینہ کیف آئٹم نمبر کرتی نظر آئیں گی ۔ اگر ایسا ہوتا تو دو سال بعد کٹرینہ کیف اور سلمان خان ایک بار پھر ایک ساتھ دکھائی پڑتے ۔ کبیر خان کی فلم ایک تھا ٹائیگر میں دونوں آخری بار ساتھ نظر آئے تھے ۔