سلمان کی فلم ’کک‘ میں آئٹم سانگ نہیں کررہی ہوں:کٹرینہ کیف

ممبئی: بالی ووڈ اداکارہ کترینہ کیف کے متعلق کچھ دنوں سے خبریں گردش کررہی تھیں کہ وہ سلمان خان کی فلم کک میں آئٹم سانگ پر پرفارم کررہی ہیں مگر اب کترینہ نے ان تمام خبروں کی تردید کرتے ہوئے کہا ہے کہ میں سلمان خان کے ساتھ ان کی فلم ’’کک میں کسی گانے پر پرفارم نہیں کررہی اور اس سلسلہ میں میڈیا میں پھیلائی جانے والی خبریں بے بنیاد ہیں۔اداکارہ کے ترجمان کا کہنا ہے کہ کترینہ کیف ان دنوں اپنی آنیوالی تین فلموں ’’ بینگ بینگ ‘‘ ، جگا جاسوس ‘‘ اور ’’ فینٹیم کی شوٹنگ میں دن رات مصروف ہیں اور ان کے پاس کسی اورفلم میں کام کرنے یا کسی آئٹم نمبر پر پرفارم کرنے کے لیے وقت نہیں ہے اور نہ ہی کسی نے ان سے اس سلسلہ میں رابطہ کیا ہے۔واضح رہے کہ کترینہ کیف دو برس قبل ریلیز ہونے والی سلمان خان کی فلم باڈی گارڈ میں آئتم سانگ پر پرفارم کرچکی ہی۔ دوسری طرف بھارتی میڈیا کے مطابق اداکارہ کی رنبیر کپور کے ساتھ فلم جگا جاسوس کی عکس بندی ان دنوں جنوبی افریقہ کے مشہور شہر کیپ ٹاؤن میں تیزی کے ساتھ جاری ہے۔ انوراگ کیشپ کی ہدایتکاری میں بنائی جانیوالی اس فلم میں رنبیر کپور ایک جاسوس جب کہ کترینہ ایک سیدھی سادھی لڑکی کا کردار نبھا رہی ہیں۔ پکچر شرو پروڈکشن اور والٹ ڈزنی پکچرز کے بینر تلے بنائی جانیوالی فلم میں گووندا بھی اہم کردار ادا کررہے ہیں جب کہ اسے آئندہ برس 29 مئی کو سینما گھروں کی زینت بنایا جارہا ہے۔دبالی ووڈ فلم جگا جاسوس کی عکس بندی ان دنوں جنوبی افریقہ میں کی جارہی ہے اور گزشتہ دنوں رنبیر کپور اور گووندا پر فلم کے کچھ سین بھی عکس بند کیے جاچکے ہیں۔اب اطلاعات ہیں کہ فلم کی ہیروئین کترینہ کیف نے فلم کی شوٹنگ میں حصہ لینے کے لیے ممبئی سے جنوبی افریقہ چلی گئی ہیں بھارتی میڈیا رپورٹس کے مطابق اداکارہ ایک ماہ تک فلم کی عکس بندی کے لیے وہاں رہیں گی انوراگ اور رنبیر کی مشترکہ پروڈکشن کی ہدایات انوراگ باسو دے رہے ہیں اطلاعات کے مطابق 25 گانوں پر مشتمل فلم کے لیے کترینہ کیف نے خاصی تیاری کررکھی ہے اور وہ رنبیر کپور کے ساتھ اپنی پرفارمنس دکھانے کے لیے بیتاب ہیں۔اس سلسلہ اداکارہ کا کہنا ہے کہ کامیڈی اور جاسوسی فلم ’’جگا جاسوس‘‘ میں کام کرنے کے لیے بہت تیزی کے ساتھ بینگ بینگ میں اپنا کام ختم کروایا جب کہ کانز فلم فیسٹیول میں بھی خواہش کے باوجود شرکت نہیں کی اور اب میں رنبیر اور گووندا کے ساتھ عکسبندی میں حصہ لینے کے لیے جنوبی افریقہ جارہی ہوں کترینہ کا کہنا تھا کہ اس فلم میں ایک یا دو نہیں بلکہ 25 گانے شامل کیے جارہے ہیں اور یہ بالی ووڈ کی پہلی فلم ہوگی۔جس میں اتنی بڑی تعداد ہے جب کہ کئی گانوں پر میں خود بھی پرفارم کررہی ہوں۔ رنبیر کے متعلق ایک سوال کے جواب میں اداکارہ نے کہا کہ رنبیر میرے بہت ہی اچھے دوست ہیں اور ان کے ساتھ کام کرتے ہوئے مجھے خوشی ہوتی ہے ہم دونوں ایک دوسرے سے اکثر ملاقاتیں بھی کرتے ہیں مگر اس کے باوجود میں یہ کہوں گی کہ ہم دونوں کے درمیان کوئی ایسا تعلق نہیں جسے محبت یا پیار کا نام دیا جائے۔