اکشے سپراسٹار ہونے کا غلط استعمال نہیں کرتے :سوناکشی سنہا

ممبئی: بالی ووڈ کی دبنگ اداکارہ سوناکشی سنہا کا کہنا ہے کہ ساتھی اداکاراکشے کمار کبھی بھی اپنے سپراسٹار ہونے کا غلط استعمال نہیں کرتے۔بھارتی میڈیا کے مطابق سوناکشی سنہا کا کہنا تھا کہ اکشے کبھی بھی اپنے سپر اسٹار ہونے کا غلط استعمال نہیں کرتے، وہ ہمیشہ دوسروں کے وقت کو اہمیت دیتے ہیں۔ ان کا کہنا تھا کہ میں نے اکشے کمار سے ہر قسم کی صورت حال میں پرسکون رہنے کا ہنر سیکھا ہے۔ دوسری جانب اکشے کمار کا کہنا ہے کہ سوناکشی بہت ہی عمدہ اداکارہ ہے، وہ اپنے موڈ کو بہت خونصورتی سے چند ہی لمحوں میں فلم کے سین کے مطابق ڈھال لیتی ہے لیکن مجھے اس کے لئے بہت محنت کرنی پڑتی ہے۔واضح رہے کہ سوناکشی اور اکشے کمار فلم آج کل ‘‘ہولی ڈے؛ آ سولجر از نیور آف ڈیوٹی’’ کی شوٹنگ میں مصروف ہیں، یہ ان دونوں اداکاروں کی ایک ساتھ تیسری فلم ہو گی، اس یسے قبل اکشے اور سوناکشی کی دونوں فلمیں باکس آفس پر سپر ہٹ رہی ہیں۔دبالی ووڈ اداکارہ شاہد کپور اور دبنگ گرل سوناکشی سنہا کے درمیان قربیتں ایک بار پھر سے بڑھنے لگیں ہیں۔ میڈیا رپورٹس کے مطابق ممبئی میں اداکارہ سوناکشی سنہا کی سالگرہ کے موقع پر شاہد کپور مہمان خصوصی تھے اور پارٹی ختم ہونے کے بعد شاہد کپور اور سوناکشی سنہا لانگ ڈرائیو پر چلے گئے۔ سوناکشی کے قریبی ذرائع نے تصدیق کی ہے کہ شاہد کپور اپنی دوست کی سالگرہ کی تقریب میں تاخیر سے شریک ہوئے اور پھر پارٹی ختم ہونے کے بعد دونوں ایک ساتھ لانگ ڈرائیو پر چلے گئے۔ شاہد سوناکشی کو بہت پسند کرتے ہیں لیکن دبنگ گرل اپنی نئی آنے والی فلم کی شوٹنگ کی مصروفیت کی وجہ سے کافی عرصے سے شاہد سے مل نہیں پا رہی تھیں لیکن اداکارہ کی سالگرہ کی تقریب کے بعد دونوں نے کافی وقت ایک ساتھ گزارا۔سوناکشی سنہا نے اپنی گردن پر شاہد کپور کے نام کا ٹیٹو بھی گدوا رکھا تھا لیکن دونوں اداکاروں کی جانب سے اس خفیہ ملاقات کے حوالے سے کوئی بیان جاری نہیں کیا گیا ہے۔واضح رہے کہ شاہد کپور کے اس سے قبل بھی متعدد خواتین اداکاروں کے ساتھ تعلقات کی خبریں سامنے آتے رہی ہیں اور چند روز قبل ہی شاہد کپور کو اداکارہ جیکلین فرنینڈس کے ہمراہ ایک تقریب میں دیکھا گیا تھا جب کہ اس سے قبل انھیں پریانکا چوپڑا، نرگس فخری، بپاشا بھاسو اور کرینہ کپور کے ساتھ بھی دیکھا جا چکا ہے۔