نئی دہلی(وارتا)نوکیانے لومیا ۶۳۰سنگل سم والے موبائل کی فروخت شروع کردی ہے کمپنی نے اس کی قیمت دس ہزار پانچ سوروپئے مقررکی ہے۔کمپنی نے گزشتہ ماہ لومیا ۶۳۰کے ڈوول اورسنگل سم والے دوماڈل بازار میں پیش کئے تھے اس میں ڈبل سم والے موبائل کی قیمت کافوراًاعلان کردیا تھا جب کہ سنگل سم والے موبائل کی قیمت کااعلان اب کیا ہے۔ کمپنی نے اپنے بیان میں بتایا کہ لومیا ۶۳۰سنگل سم والا موبائل چار رنگوں میں دستیاب ہے اس کا اسکرین ۵ء۴؍انچ اورڈسپلے ایف ڈبلو جی اے کلیئر بیک بلیک ہے۔اس میں کارنک گلاس ۳پروٹیکشن لگاہے۔ ۲ء۱ جی ایچ زیڈ کواڈکوراسنیپ ڈریگن۴۰۰ پروسیسر ہے۔ریئر کیمرہ ۵ میگاپکسل کا ہے جو ۷۲۰پی ہائی ڈیفنیشن ویڈیو ریکارڈنگ کرتاہے۔ریم ۵۱۲ایم بی کا ہے۔اس کی انٹرنل میموری ۸جی بی کی ہے۔یہ کمپنی کے سبھی اسٹورس پر دستیاب ہے۔
