ممبئی: بالی ووڈ کی مایہ ناز اداکارہ ودیا بالن کی نئی ایکشن، ڈرامہ اور تھرلر سے بھرپور فلم بوبی جاسوس کے نئے گانے بوبی کی ویڈیو جاری کر دی گئی ہے۔ بالی ووڈ اداکارہ دیا مرزا کی پروڈیوس کردہ اس فلم میں ودیا ایک ایسی لڑکی کا کردار ادا کر رہی ہیں جو ایک جاسوسہ بننا چاہتی ہے اور اپنی اس خواہش کی تکمیل کیلئے نت نئے انداز اور روپ بدل کر شہر بھر میں جاسوسی کرتی نظر آتی ہے۔ اس فلم کی خاص بات یہ بھی ہے کہ اس میں ودیا نے کل 12 روپ بدلے ہیں اور ہر روپ دھارنے کیلئے کئی گھنٹوں کا وقت لگا جس میں ودیا نے نا صرف صبر کا مظاہرہ کیا بلکہ اس کے نتائج اس فلم کے ٹریلر اور گانے میں بھی دیکھے جا سکتے ہیں۔ اس فلم میں ودیا جاسوس کپڑا فروش، ڈاکیا، مولوی، ٹیچر، ماہر فلکیات، مچھلی فروش، شاعر، وکیل، فقیر اور ہاں جاسوسہ کے روپ میں نظر آ رہی ہیں جنھیں بڑی اسکرین پر ان کے مداح 4 جولائی کو سینما گھروں میں جا کر دیکھ سکیں گے۔
–
