ممبئی: بالی ووڈ اداکارہ عالیہ بھٹ نے اپنے ساتھی اداکار ورن دھون کو ایک اسٹیج پرفارمنس کے دوران شادی کی پیشکش کر ڈالی۔ میڈیا کے مطابق عالیہ بھٹ اداکار ورن دھون کے ساتھ اپنی نئی آنے والی فلم ہمپٹی شرما کی دلہنیا کی تشہیر کے لئے ایک پروگرام میں شریک تھیں۔ فلمی پریمی جوڑے نے اسٹیج پر ڈانس پرفارمنس کی۔ پھر آخر میں عالیہ بھٹ نے اپنے گھٹنوں کے بل بیٹھ کر ورن دھون کو شادی کی پیشکش کر دی۔ واضح رہے کہ عالیہ بھٹ اور ورن دھون ہدایت کار کرن جوہر کی فلم ہمپٹی شرما کی دلہنیا سے قبل بھی دونوں فلم اسٹوڈنٹس آف دی ایئر میں ایک ساتھ کام کر چکے ہیں۔
