گورکھپور (نامہ نگار)۔گھر والوں سے ناراض طالبہ نے تارا منڈل علاقہ میں واقع رام گڑھ تالاب میں کود کر خود کشی کرنے کی کوشش کی ۔وہاں پرموجودایک نوجوان نے لڑکی کو بحفاظت تالاب سے نکال لیا۔ موصولہ خبر کے مطابق گورکھپورکے ہمایوں پور علاقہ کی ایک طالبہ گھر والوں سے کسی بات کے سلسلے میں ناراض ہو کر تارا منڈل علاقہ میں واقع نوکا وہار پہنچی ۔ لوگوںنے اسے پریشانی کی حالت میں دیکھا۔ دوپہر میں اچانک وہ تالاب میںکود گئی ۔پانی میں گرنے کی آواز سن کر وہاں پر نیو شیو پوری کالونی کے سندیپ پاسوان نے تالاب میں کود کر لڑکی کو بحفاظت پانی سے باہر نکال لیا۔ پوچھ گچھ کے دوران طالبہ نے بتایا کہ اس کا گھروالوںسے تنازعہ ہو گیا تھا اسی وجہ سے ناراض ہو کر اس نے خود کشی کرنے کی کوشش کی ۔
