لاہور: اداکارہ زارا شیخ نے گلوکاری کی تعلیم حاصل کرنے کے بعد باقاعدہ موسیقی کی دنیا میں قدم رکھنے کا فیصلہ کر لیا۔ بتایا گیا ہے کہ اداکارہ زارا شیخ بطور گلوکارہ عید الفطر کے بعد اپنی پہلی میوزیکل البم متعارف کروائینگی۔ اپنے پہلے البم کیلیے انھوں نے تمام کاغذی کاروائی مکمل کرلی ہے۔ اداکاری، ماڈلنگ اور اب گلوکاری کے میدان میں قدم رکھنے کے بعد مجھے پتہ چلاہے کہ میوزک کے شعبے میں ہمارے پاس کس قدر اہم لوگ موجود ہیں۔ بہت سے باصلاحیت موسیقار، سازندے اور دیگر سے ملاقات ہوئی اور میں نے بہت کچھ سیکھا ہے۔
