ممبئی: بالی وڈ اداکار شاہ رخ خان نے کہا ہے کہ اگر ان کی والدہ حیات ہوتیں تو وہ انہیں اعلیٰ ترین فرانسیسی ایوارڈ لیتے ہوئے دیکھ کر بے حد خوش ہوتیں۔ شاہ رخ خان نے اپنے حالیہ انٹرویو میں کہا کہ انہیں ان کی والدہ کے سالگرہ کے دن فرانسیسی اعلیٰ ترین سول ایوارڈ سے نوازا گیا۔ ان کی والدہ حیات ہوتیں تو وہ انہیں یہ ایوارڈ لیتے دیکھ کر بے حد خوش ہوتیں۔ یہ ایوارڈ انہیں دنیا بھرمیں ثقافتی تنوع کے لئے خدمات کے اعتراف میں دیا گیا ہے۔ شاہ رخ خان نے ایوارڈ حاصل کرنے پر خوشی کا اظہار کیا اور فرانسیسی حکومت کا شکریہ ادا کیا۔
