لکھنؤ۔ (نامہ نگار)۔ مڑیاؤں پولیس نے سنیچر کی رات قمار بازی کرتے ہوئے بارہ لوگوں کوگرفتار کیا ہے ۔ پولیس نے پکڑے گئے قمار بازوں کے پاس سے پچاس ہزار روپئے نقد بھی برآمد کئے ہیں۔ ایس پی ٹی جی دنیش یادو نے بتایا کہ مڑیاؤں پولیس نے سنیچر کی دیر شب بھاؤ راؤ دیو رس اسپتال کے نزدیک سے قمار بازی کرتے ہوئے سیتا پور کے باشندے سمت، شاہد، کھیری کے شیوم، علی گنج کا رہنے والا وریندر، راجہ چٹرجی، لدگی، منیش ، کھیری کا باشندہ موہت، غازی پور کارہنے والا شیوم اور مڑیاؤں کا ابھیشیک ، رنجیت اور نئی دہلی کے باشندے نیلیش کو گرفتار کیا۔ پولیس نے موقع سے ۴۹۱۲۲ ہزار روپئے برآمد کئے ۔
