لکھنؤ۔ (نامہ نگار)۔ کانپور سے ٹرک لیکر گورکھپور جا رہے ٹرک ڈرائیور سامنے پنچر کھڑے دوسرے ٹرک سے ٹکرا گیاجس میں ڈرائیور کی موت ہو گئی۔ ٹکر کی آواز سن کر آس پاس کے لوگ موقع پر جمع ہو گئے۔لوگوںنے بڑی مشکل سے ڈرائیور کی لاش گاڑی سے نکالی اور پولیس کو اطلاع دی۔ کانپور شہر کے ڈھکنا پوروا کے باشندے ٹرک ڈرائیور اسلام (۳۲) جمعرات کی شب دس بجے کانپور سے ٹر ک لیکر گورکھپور جانے کیلئے نکلا تھا۔ اسلام نے سمت ٹرانسپورٹ کمپنی سے گاڑی کو لوڈ کیا تھا۔احیاء مئو فلائی اوورکے پاس جب اسلام پہنچا تو سامنے ایک پنچر ٹرک کھڑا تھا جس سے جاکر وہ ٹکرا گیا۔ ٹرک میں پیچھے سے ٹکرانے سے اسلام کی موقع پر ہی موت ہو گئی۔ ٹکر کی آواز سنتے ہی آس پاس کے لوگ موقع پر جمع ہو گئے۔ حادثہ کی اطلاع پولیس کو دی گئی۔ موقع پر پہنچی پولیس نے لوگوں کی مددسے اسلام کی لاش کو باہر نکالا اور پوسٹ مارٹم کیلئے بھیج دیا۔
