ایل جی نے پیش کئے نئے جی ایس اسمارٹ فون

ممبئی (بھاشا) ایل جی الکٹرانکس نے آج یہاں نئے اسمارٹ فون ایل جی۔۳ پیش کئے۔ ۱۶جی بی والے ماڈل کی قیمت ۴۷۹۹۰ روپئے ہے جب کہ ۳۲ جی بی والے ماڈل کی قیمت ۵۰۹۹۰ روپئے ہے یہ فون تین رنگوں میںدستیاب ہوں گے۔ ایل جی الکٹرانکس انڈیا کے ایم ڈی سون کوون نے کہا جی۔۳ کے ساتھ ایل جی نے تکنیکی حدیں توڑی ہیں اور ہمارا ہدف ہندوستان میں ایل جی کے موبائل ڈیویزن کے لئے ۲۰۱۴ کے آخر تک اسمارٹ فون بازار میں ۱۰ فیصد حصہ داری حاصل کرنا ہے۔ کمپنی نے کہا کہ اس فون کا اشتہار فلم اداکار امیتابھ بچن کریں گے۔ کمپنی امیتابھ بچن کی دستخط والے جی۔۳ اسمارٹ فون کے ۱۵ ہزار ہینڈ سیٹ کا محدود ماڈل جاری کرے گی۔