دو بیٹوں سمیت ملزم گرفتار

لکھنؤ۔ کاکوری علاقہ میں باغ میں شاخ کاٹنے کو لیکر ہوئے قتل میں پولیس نے ملزم چچا اور اس کے دو بیٹوں کو گرفتار کرتے ہوئے واردات میں استعمال ڈنڈا بھی برآمد کر لیاہے۔ کاکوری پولیس نے بڑگاؤں کے پاس سے دولی کھیڑا گاؤں کے گنگا رام اور اس کے دو بیٹے ونود اور منوج کو غیر ارادتاً قتل کے الزام میں گرفتار کر لیا ہے جبکہ ایک ملزم ابھی بھی فرار ہے ، پولیس اس کو تلاش کررہی ہے۔ واضح رہے کہ ۳۱؍اکتوبر کو کلدیپ آم کے درخت سے ایک شاخ کاٹ رہا تھااسی بات کو لیکر چچا گنگا رام اور اس کے بیٹوں نے کلدیپ پر حملہ کر دیا۔ ٹراما سینٹر میں دوران علاج اس کی موت ہو گئی تھی۔