بد معاشوں نے خاتون سے لوٹا منگل سوتر

لکھنؤ۔(نامہ نگار)وبھوتی کھنڈ علاقے میںموٹر سائیکل سوار بدمعاش ایک خاتون کے گلے سے منگل سوتر لوٹ لے گئے۔ پولیس نے اس معاملے میں خاتون کی شکایت پر رپورٹ درج کرلی ہے۔ایس او وبھوتی کھنڈ دویندر دوبے نے بتایا کہ بارہ بنکی کی رہنے والی خوشبو مشرا رامنوہر لوہیا اسپتال کسی مریض کو دیکھنے کیلئے آئی تھیں۔ دوپہر کو وہ اسپتال سے گومتی نگر ریلوے اسٹیشن ٹرین پکڑنے کیلئے جارہی تھی۔بتایا جاتا ہے کہ اوم نمو شوائے مندر کے پاس موٹرسائیکل سوار دو بدمعاش پیچھے سے اس کے گلے سے منگل سوتر لوٹ لے گئے۔