ممبئی: بالی وڈ ادکار ادیتیا رائے کپور اور پرینیتی چوپڑا کی کامیڈی ڈرامہ فلم ‘دعوتِ عشق’ کے ٹریلر کے بعد فلم کے ٹائٹل سانگ کی وڈیو بھی جاری کر دی گئی۔ ذرائع ابلاغ کے مطابق کوثر منیر کے تحریر کردہ ‘دل نے دسترخوان سجایا، دعوتِ عشق ہے’ کے بولوں پر مبنی اس گانے کو جاوید علی اور سونیدھی چوہان کی آواز میں ریکارڈ کیا گیا ہے۔ ہدایتکار حبیب فیصل کی اس فلم میں ادیتیا رائے کپور اور پری نیتی چوپڑا کے ساتھ کرن واہی اور انوپم کھیر اہم کرداروں میں جلوہ گر ہو رہے ہیں۔ کامیڈی ڈرامہ اور ہلکے پھلکے رومانس سے بھرپور فلم یش راج فلمز کے بینر تلے رواں سال 5 ستمبر کو سینما گھروں کی زینت بنے گی۔
