ہاشم آملہ کی سنچری کے باوجود افریقہ مشکل میں

  کولمبو۔آف اسپنر دلرووا پریرا کی تین گیندوں میں دو وکٹ کی مدد سے سری لنکا نے دوسرے کرکٹ ٹسٹ کے تیسرے دن آج جنوبی افریقہ پر دباؤ بنا دیا۔پریرا نے اے بی ڈی ولئرس 37اور کٹون ڈی کاک 0 کو آؤٹ کیا۔ اس سے پہلے جنوبی افریقہ نے کل کے اسکور تین وکٹ پر 98 رن سے آگے کھیلنا شروع کیا تھا۔ افریقی کپتان ہاشم آملہ کی سنچری کے باوجود افریقہ اس وقت سری لنکا کے سامنے مشکل میں ہے
۔جب کہ کپتان اس وقت ناٹ آئوٹ 109رن بناکر کھیل رہے ہیں۔اس سے پہلے لنچ تک جنوبی افریقہ کا اسکور پانچ وکٹ پر 163 رن تھا اور اب بھی وہ سری لنکا کے پہلی اننگز کے اسکور سے 258 رن پیچھے ہے۔ سری لنکا نے پہلی اننگز میں 421 رن بنائے تھے۔ ہاشم آملہ ایک سو نو رن بنا کر کھیل رہے ہیں۔ جنوبی افریقہ دو ٹسٹ کی سیریز میں آگے ہے جس نے پہلا ٹسٹ 153 رنز سے جیتا تھا۔