علی گڑھ، (یو این آئی) اترپردیش میں علی گڑھ ٹپل علاقہ میں ایک میکس گاڑی کی ڈمپر سے ٹکرہوجانے سے چار لوگوں کی موت ہوگئی اور ۱۱ دیگر افراد زخمی ہوگئے۔ پولس ذرائع نے آج یہاں بتایا کہ علی گڑھ پلول روڈ پر کل شام ایک میکس گاڑی کو رائے پور گاؤں کے نزدیک مخالف سمت سے آنے والے ایک ڈمپر نے ٹکر ماردی ۔ اس حادثے میں میکس گاڑی میں سوار پیپلی گاؤں کے باشندے حکم سنگھ کے کنبہ کے چار افراد کی موت ہوگئی جبکہ ۱۱ لوگ زخمی ہوگئے۔ گاڑی میں کل ۱۶؍ افراد سوار تھے ۔
زخمیوں کو مختلف اسپتال میں داخل کرایا گیا ہے۔
