۱۵۰کروڑکے کلب میں شامل ہوئی فلم’ کک‘

ممبئی (وارتا)بالی ووڈ دبنگ خان کی نئی فلم ’’کک ‘‘ نے ہندوستان میں ۱۵۵؍ کروڑ سے زائد کما کر باکس آفس میں دھوم مچا رکھی ہے۔فلم نے ریلیز کے پہلے پانچ دنوں میں دنیا بھر میں ۵۳ء۱۵۵کروڑ کا بزنس کرلیا ہے جب کہ بھارت میں فلم ’’کک ‘‘ 4 ہزار سے زائد سینما گھروں میں ریلیز کی گئی۔ ٹریڈ پورٹل باکس آفس کیپسول کے مطابق فلم نے ۸۳۸۳ کروڑ نیٹ کمائے اور فلم ’’کک ‘‘ اپنی ریلیز کے پہلے ہی ہفتے اتنا زیادہ بزنس کرنے والی تیسری فلم بن گئی ہے اور ڈومیسٹک کولیکشنز میں فلم نے۳ء۱۲۷؍ روپے اکٹھے کر لیے ہیں۔اسی طرح کراچی میں بھی سلمان خان کی ’’
کِک‘‘نے عید الفطر کے پہلے روز تقریباً۲۰؍ اعشاریہ ۸ ملین روپے کا بزنس کیا۔ فلموں کے ڈسٹری بیوٹر اور آن کی نمائش کے حوالے سے مشہور ندیم مانڈوی والا کا کہنا ہے کہ ‘ایڈوانس بکنگ کا وقت گزر چکا اور کِک پاکستانی سینماؤں پر مقبولیت کے نئے ریکارڈ قائم کرے گی۔اس سے قبل عامر خان کی فلم ’’دھوم تھری‘‘ نے اپنی ریلیز کے پہلے روز اور پہلے ہفتے کے دوران باکس آفس پر مجموعی طور پر۲۴۰ ملین روپے کا بزنس کیا تھا، جب کہ پاکستانی فلم ’’وار‘‘ نے باکس آفس پر۲۳۰ملین روپے کا بزنس کیا تھا۔ ندیم مانڈوی والا کے مطابق ‘ کِک’ ان دونوں فلموں سے زیادہ اچھا بزنس کرے گی۔بالی ووڈکے مشہور فلمساز ساجد نڈیا ڈ والا اپنی فلم کک کی کامیابی کے بعد سلمان خان کو تین کروڑروپئے کا تحفہ دینے جارہے ہیں۔سلمان خان کو لیکر جیت، جڑواں ، ہردل جو پیار کرے گا، مجھ سے شادی کروگی اورجان من جیسی فلمیں بناچکے ۔ ساجد نڈیا ڈ والا نے اب انھیں لیکر کک بنائی ہے۔اس فلمس سے ساجد نے ہدایت کاری کے شعبہ میں بھی قدم رکھا۔یہ فلم ایک ہفتے میںتقریبا ۱۶۸کر وڑ روپئے کا بزنس کرچکی ہے۔کک کی سپرکامیابی سے ساجد پھولے نہیں سمارہے ہیں۔بتایاجا تاہے کہ ساجد سلمان کو تین کروڑروپئے کی رولس رائس کارتحفہ میں دیں گے۔ساجد سلمان کو یہ مہنگا تحفہ دے کر ان کا شکریہ اداکرنا چاہتے ہیں۔