گنگولی کا ورون کو ٹیم میں شامل کرنے کا مشورہ

ممبئی۔سابق ہندوستانی کپتان سورو گنگولی نے انگلینڈ کیخلاف چوتھے ٹیسٹ کیلئے پیسر ورون ارون کو ٹیم میں شامل کرنے کا مشورہ دیا ہے۔ سابق کپتان نے کہا کہ چوتھا میچ مانچسٹر میں کھیلا جائے گا جس کا شمار انگلینڈ کی تیز ترین پچز میں ہوتا ہے۔ ہندوستان کو لارڈس ٹیسٹ میں کامیابی سے ہمکنار کرنے والے پیسر ایشانت شرما کی انجری کے بعد بھنونیشور کمار کی اگلے میچ میں شمولیت مشکل نظر آ رہی ہے۔ جس کی وجہ سے گنگولی نے چوتھے ٹیسٹ کے لیے نئے پیسر ورون کو ٹیم میں شامل کرنے کا کہا ہے۔ اور ساتھ ہی انھوں نے کہا کہ بیٹنگ میں بھی کچھ تبدیلی کرتے ہوئے نئے کھلاڑی خصوصا اوپننگ میں شیکر دھون کی جگہ گوتم گمبھیر کو شامل کیا جائے۔