ممبئی: بالی ووڈ فنکار شمی کپور کو ہم سے بچھڑے 3 سال بیت گئے، ان کے فلمی کیریئر پر نظر ڈالتے ہیں، شمی کپور اکیس اکتوبر انیس سو اکتیس میں پیدا ہوئے، ان کا اصلی نام شمشیر راج کپور تھا، وہ فلم انڈسٹری کے مشہور خاندان سے تعلق رکھتے تھے، شمی کپور نے اداکاری کا آغاز تھیٹر سے کیا جبکہ انیس سو ترپن میں بننے والی فلم جیون جیوتی سے فلمی دنیا میں قدم رکھا، شمی کپور کی کامیاب فلموں میں جنگلی، بلف ماسٹر، پیار کیا تو ڈرنا کیا، جانور، پریم پجاری اور کشمیر کی کلی شامل ہیں، شمی کپور کا شمار انیس سو پچاس اور ساٹھ کی دہائی کے معروف اداکاروں میں ہوتا ہے، شمی کپور چودہ اگست دو ہزار گیارہ کو دنیا سے رخصت ہوئے۔
–
