قیصر گنج میں حج تربیتی کیمپ کا انعقاد

پریس ریلیز ؍قیصر گنج
آج دارالعلوم نوریہ قیصر گنج بہرائچ میں مسلم اسٹوڈینٹس آرگنائزیشن آف انڈیا کے زیر اہتمام عازمین حرمین طیبین کے تربیت کے لئے حج تربیتی کیمپ کا انعقادکیا گیا ۔اس موقع پر قیصر گنج واطراف کے دوسو عازمین حرمین طیبین نے شرکت کی ۔جنہیں طبی ٹیکہ بھی لگایا گیا۔اس موقع پر مولاناانواراحمدرضوی نے تمام عازمین کو حج کے تعلق سے تمام جانکاریاں دیں۔انہوں نے عازمین کو مکۃ المکرمہ ومدینۃ المنورہ کے تعلق سے تمام تاریخی مقامات کے بارے میں عازمین کو بتایا نیز ارکان حج کے بارے میں جتنے بھی مسائل ہیں ان مسائل کو بھی بتایا ۔اس موقع پر پروگرام کے کنوینر حاجی شبیراحمدرضوی نے بتایا کہ حج تربیتی کیمپ میں جرول روڈ،فخرپور،قیصر گنج،جرول قصبہ و مختلف علاقہ کے حاجیوں نے شرکت کی۔