گاڑی چور وزیر گنج پولیس کی گرفت میں

لکھنؤ ۔ (نامہ نگار)وزیر گنج پولیس نے ایک گاڑی چور کو گرفتارکرکے اس کے قبضے سے چوری ایک موٹر سائیکل اور اسکوٹی برآمد کی ۔ ملزم نے اپنے ایک دیگر ساتھی کی بھی نشان دہی کی ہے ۔ فی الحال پولیس اس کی تلاش کررہی ہے ۔ اس سلسلے میں سی او چوک سرویش کمار مشر نے بتایا کہ وزیر گنج تھانے کی ایک ٹیم نے گذشتہ رات چکبست چوراہے کے قریب ایک موٹر سائیکل سوار مشتبہ شخص کو دیکھ کر اسے روکنے کی کوشش کی ۔ پولیس کو دیکھ کر وہ شخص موٹر سائیکل لے کر بھاگنے لگا ۔اور گر پڑااس پر پولیس نے اسے گھیر کر پکڑ لیا ۔ پولیس کے ذریعہ جب اس سے گاڑی کے کاغذات طلب کئے گئے تو وہ کوئی پیپر نہیں دکھا سکا۔
سختی سے پوچھ تا چھ کے دوران ملزم نے بتایا کہ مذکورہ موٹرسائیکل حضرت گنج
سے چوری کی گئی تھی ۔ ملزم نے چوک کا رہنے والا سنتوش بتایا ہے ۔ اس کے بعد پولیس نے ملزم کی نشان دہی پر ڈالی گنج پل کے پاس ایک چھونپڑی میںچھپا کر رکھی گئی چوری کی ایک اسکوٹی بھی برآمد کی گئی ۔ ملزم نے بتایا کہ وہ اپنے ایک ساتھی شوبھت کے ساتھ مل کر گاڑیاں چوری کرتا تھا ۔