انگلینڈ عالمی کپ جیتنے کیلئے بہتر ٹیم نہیں:سوان

لندن۔انگلینڈ کے سابق اسپنرگریم سوان کا کہنا ہے کہ انگلینڈ کا آئندہ برس آسٹریلیا اور نیوزی لینڈ میں منعقد ہونے والا کرکٹ کا عالمی کپ جیتنے کا کوئی چانس نہیں ہے۔گریم سوان کے مطابق انگلش ٹیم کو کرکٹ کا عالمی کپ جیتنے کیلئے موجودہ کپتان کک کو تبدیل کرنے کی ضرورت ہے۔انگلینڈ کی جانب سے 79 ایک روزہ بین الاقوامی میچوں میں 104 وکٹیں حاصل کرنے والے سوان موجودہ ٹیم میں
ایلسٹر کک، ائین بیل اور گیری بیلنس کی جگہ ہیمشائر کے جیمز ونس، سرے کے جیسن رائے اور ناٹنگھم کے جیمز ٹیلر کو دیکھنا چاہتے ہیں۔انھیں اس بات پر بھی خوشی ہے کہ اوپنر ایلکس ہیلز آئندہ برس فروری اور مارچ میں ہونے والے کرکٹ کے عالمی کپ سے پہلے سلیکٹروں کا اعتماد حاصل کرنے میں کامیاب رہے ہیں۔ ہیلز کو ٹی ٹوئنٹی کا ماہر جانا جاتا ہے۔ وہ ہندوستان کے خلاف پیر کو کھیلے جانے والے میچ میں اپنے کریئر کا آغاز کرنے والے تھے کہ بارش کی وجہ سے وہ میچ منسوخ کرنا پڑا تاہم سوان کو یقین ہے کہ 25 سالہ ہیلز کو اس کے لیے بہت زیادہ انتظار کرنا پڑا۔سوان کا کہنا تھا کہ ایلکس ہیلز کو دو یا تین سال قبل انگلینڈ کی ٹیم میں شامل کیا جانا چاہیے تھا۔انھوں نے کہا کہ ایلکس نے ویسٹ انڈیز کے خلاف ٹرینٹ بریج میں کھیلے جانے والے ٹی ٹوئنٹی میچ میں 99 رن بنائے تھے۔سوان کے مطابق کک، ایان بیل اور گیری بیلنس جیسے کھلاڑی عالمی کپ نہیں جتوا سکتے تاہم ایلکس ہیلز، جیمز وینس، جیسن رائے، جیمز ٹیلر، جوز بٹلر اور ائین مورکن جیسے کھلاڑی ایسا کر سکتے ہیں۔انگلینڈ کی جانب سے ایک روزہ میچوں میں 78.16 کی اوسط سے 2,967 رن بنانے کک آسٹریلیا اور نیوزی لینڈ میں اپنے ملک کی نمائندگی کریں گے تاہم سوان کا کہنا ہے کہ انھیں ٹیم کا کنٹرول کسی دوسرے کے سپرد کر دینا چاہیے۔ان کا کہنا تھا کہ کک نے ٹیسٹ میچوں میں خود کو منوایا ہے تاہم اب انھیں ایک روزہ کرکٹ کھیلنے کے لیے مزید پریشان نہیں کیا جانا چاہیے۔