ویسٹ انڈ یز کے ساتھ پریکٹس میچ میں اسٹار کھلا ڑیوں کا کھیلنا مشکل

کانپور۔اترپردیش کے واحد بین الاقوامی کرکٹ اسٹیڈیم میں بورڈ کے صدر الیون اور ویسٹ انڈیز کے درمیان 25 سے 27 اکتوبر تک پریکٹس میچ کو تو ہری جھنڈی
ہندوستانی کرکٹ کنٹرول بورڈ سے مل گئی ہے لیکن اس پریکٹس میں ٹیم انڈیا کے اسٹار کھلاڑیوں مہندر سنگھ دھونی اور وراٹ کوہلی جیسے تمام کھلاڑی شاید حصہ نہیں لیں گے۔ غور طلب ہے کہ گرین پارک میں ہندوستان اور ویسٹ انڈیز کے درمیان 27 نومبر
2013 کو ایک روزہ کرکٹ میچ ہوا تھا اس کے بعد سے اسٹیڈیم میں تعمیر کا کام مسلسل جاری ہے اس لئے گزشتہ تقریبا ایک سال سے کوئی بین الاقوامی
میچ یہاں نہیں ہوا ہے اور جس سست رفتار سے اسٹیڈیم کا کام چل رہا ہے اس سے لگتا بھی نہیں ہے کہ آنے والے کچھ سالوں میں یہاں بین الاقوامی میچ ہو پائے گا۔اتر پردیش کرکٹ
ایسوسی ایشن گزشتہ دس سال سے اپنے اسٹیڈیم کے لیے زمین تلاش رہا ہے ابھی اور کتنے سال زمین کی تلاشی کی جائے گی اس کے بارے میں یوپی سی اے کے افسران کو بھی نہیں معلوم ہے۔ یوپی سی اے کے سکریٹری راجیو شکلا نے آج بتایا کہ ویسٹ انڈیز کی ٹیم 25 سے 27 اکتوبر کو گرین پارک میں بورڈ چیئرمین الیون کے ساتھ پریکٹس میچ کھیلنے کانپور آ رہی ہے۔یہ دونوں ٹیمیں کانپور کے لیڈمارک ہوٹل میں ٹھرے گی۔یہ پوچھنے پر کہ کیا ٹیم انڈیا کے ویسٹ انڈیز کے لئے منتخب کھلاڑی بھی اس میں شامل ہوں گے۔انہوں نے کہا کہ بورڈ کے صدر الیون ٹیم پریکٹس میچ کھیلنے آ رہی ہے نہ کہ ٹیم انڈیا۔اس میں ٹیم انڈیا کے کچھ کھلاڑی ہوں گے اور کچھ نئی نوجوان فوج کو موقع دیا جائیگا تاکہ وہ اپنے کھیل کا مظاہرہ کر سکیں اور مستقبل میں ہم ان سے ٹیم انڈیا کیلئے نئے کھلاڑی منتخب کر سکیں۔ شکلا نے کہا کہ ٹیم انڈیا کے جمے جمائے کھلاڑی جو اتنے سال سے ٹیم انڈیا کی طرف سے کھیل رہے ہیں ان کے اس مشق میچ میں کھیلنے کی کیا ضرورت ہے۔ان کا کھیل تو پوری دنیا دیکھ چکی ہے اور ان کی حصولیابی کا لوہا مان چکی ہے۔اس مشق میچ کا اصلی مقصد نئی اور نوجوان حصولیابی کو موقع دینا ہے اور اس میں تمام علاقوں کے نوجوان اور باصلاحیت کھلاڑی شامل ہوں گے۔شکلا سے پوچھا گیا کہ کیا گرین پارک اسٹیڈیم کو کرایہ پر لینے کیلئے اتر پردیش کی حکومت سے بات ہو گئی ہے اس پر انہوں نے کہا کہ اس میں کوئی پریشانی نہیں ہے ایک درخواست اتر پردیش حکومت کو دینا ہوگی اور اسٹیڈیم الاٹ ہو جائیگا۔یوپی سی اے کا اپنا کوئی اسٹیڈیم نہ ہونے کے بارے میں پوچھے گئے سوال پر سیکرٹری شکلا نے کہا کہ جلد ہی یوپی سی اے کا اپنا اسٹیڈیم ہوگا اس جانب میں سنجیدہ کوششیں کی جا رہی ہے۔ریاستی حکومت گرین پارک کانپور کو اتر پردیش کی حکومت سے لیز پر لینے کیلئے بات چیت چل رہی ہے اس کے علاوہ کانپور میں الہ آباد روڈ اور غازی آباد میں بھی ایک دو زمینوں پر بات ہو رہی ہے جلد ہی اس بارے میں فیصلہ لے لیا جائیگا اور یوپی سی اے کے پاس اپنا ایک اسٹیڈیم ہوگا۔