ورلڈ کپ2015کی تیاریوںسے خوش رچرڈ سن

  دبئی۔آئی سی سی کے چیف ایگزیکٹو ڈیوڈ رچرڈسن نے اگلے سال آسٹریلیا اور نیوزی لینڈ میں ہونے والے ورلڈ کپ کی تیاریو ں پر اطمینان ظاہر کیا ہے۔انہیں میلبورن اور ویلنگٹن میں 25 سے 27 اگست تک تیاریوں کی تفصیلی معلومات دی گئی۔ اس کے علاوہ انہوں نے 14 اسٹیڈیم میں سہولیات کا جائزہ بھی لیا۔ تین دن کے اجلاسوں میں رچرڈسن کو میچوں کے دن اور اس سے الگ وینیو آپریشن، ایونٹ مینجمنٹ، سیکورٹی، ٹکٹ اور سیلز،
مہمان نوازی، تعمیراتی کام، میزبان شہروں کی تیاریوں، میڈیا اور نشریات کام اور پی آر والا پہلوؤں کی معلومات دی گئی۔رچرڈسن نے ویلنگٹن میں ورلڈ کپ بورڈ میٹنگ میں بھی شرکت کی جس میں عالمی کپ کے چیف ایگزیکٹو جان ہارنڈین، نیوزی لینڈ ورلڈ کپ کے سربراہ، تھیریسے والش، کرکٹ آسٹریلیا کے صدر، ویلی ایڈوڈرس، نیوزی لینڈ کرکٹ بورڈ کے رکن، گریگ بارکلے اور کرکٹ آسٹریلیا کے چیف ایگزیکٹو جیمز سدرلینڈ نے بھی حصہ لیا۔ ملاقاتوں کے بعد رچرڈسن نے کہا ان اجلاسوں میں ملی معلومات سے میرا اعتماد بڑھا ہے کہ یہ ورلڈ کپ یادگار رہے گا۔انہوں نے کہا آسٹریلیا اور نیوزی لینڈ کے کرکٹ کو بہترین کرکٹ کی سوغات ملنے جا رہی ہے۔ورلڈ کپ کا آغاز 14 فروری کو نیوزی لینڈ اور سری لنکا کے میچ سے ہوگا جبکہ فائنل 29 مارچ کو کھیلا جائے گا۔ اس دوران 14 شہروں میں 29 میچ کھیلے جائیں گے۔