ممبئی: ہر عورت کی طرح ماں بننے کی خواہشمند ہوں، بالی وڈ میں اپنے فلمی کیرئیر سے مطمئن ہوں۔بالی وڈ اداکارہ سنی لیون نے کہا ہے کہ یوں تو میرے مداحوں میں ہر عمر کے افراد شامل ہیں لیکن مجھے اس بات کی بیحد خوشی ہے کہ اب بچے بھی میرے مداحوں میں شامل ہو گئے ہیں۔ایک انٹرویو میں سنی لیون نے کہا کہ وہ فلم انڈسٹری میں ا پنا امیج ایک بولڈ اداکارہ کے طور پر قائم نہیں کرنا چاہتیں بلکہ وہ ایک ورسٹائل اداکارہ بننا چاہتی ہیں اور انہیں خوشی ہے کہ وہ بچوں میں مقبول ہیں، اسکا مطلب ہے کہ انکی کاوش رنگ لا رہی ہے۔ سنی لیون نے کہا کہ وہ ایک عورت ہیں اور اسلئے ہر عورت کی طرح انہیں بھی ماں بننے کی شدید خواہش ہے تاہم ابھی وہ اپنا کیرئیر بنانا چاہتی ہیں۔ سنی لیون نے کہا کہ وہ بالی ووڈ میں اپنے فلمی کیرئیر کی رفتار سے مطمئن ہیں۔
