ایئر انڈ یا کے پائلٹ نے پھانسی لگاکر خود کشی کی

وارانسی. (یواین آئی)اترپردیش میں وارانسی کے بھیلوپور علاقے میں ایئر انڈیا کے ایک پائلٹ نے پھانسی لگاکر خودکشی کرلی۔پولیس کے مطابق کیوسیہ دھام کے باشندہ دگ وجے سنگھ (۲۶)کل صبح دہلی سے اپنے گھر آیا تھا۔ گھر والوں سے بات چیت کرنے کے بعد وہ اپنے کمرے میں گیا۔ تھوڑی دیر کے بعد جب اس کی ماں کمرے میں گئی تو اس نے اسے پنکھے کے ہک میں رسی سے لٹکا ہوا پایا۔اس واقعہ کی اطلاع ملنے کے بعد پاس پڑوس کے لوگ اسے پھندے سے اتار کر کاشی ہندو یونیورسٹی کے سرسندر لال اسپتال لے گئے، جہاں ڈاکٹروں نے اسے مردہ قرار دے دیا۔پولیس نے لاش کو قبضے میں لے کر پوسٹ مارٹم کے لئے بھیج دیا ہے۔