مہاراج گنج (بھاشا) اترپردیش میں نیپال کے سرحد ی مہاراج گنج ضلع میں ایک کروڑ روپئے سے زیادہ قیمت کی چرس کے ساتھ ایک ترکی کے شہری کو گرفتار کر لیا گیا ہے ۔سرحدی حفاظتی دستہ کے ایس بنکوٹھی نے بتایا کہ کل رات نیپال سے آنے والے ترکی شہری سنانی سوئیلو (۴۳)کو مہاراج گنج سنولی سرحد پر تلاشی کے دوران چرس برآمد ہونے پر گرفتار کر لیا گیاانہوں نے بتایا کہ غیر ملکی شہری کے قبضہ سے ایک کروڑ روپئے قیمت کی تقریباً دس کلو گرام چرس اور دو لاکھ چودھ ہزار روپئے نقد برآمد کئے گئے ۔وہ دہلی جانے کی فراق میں تھا ۔مسٹر بنکوٹھی نے بتایا کہ گرفتار شخص کو کسٹم محکمے کے افسران کو سپرد کر دیا گیا ہے ۔
