عشق کے سات مقام میں آخری موت ہے، محبت کے اس فلسفے پر بنی بولی وڈ کی فلم ‘ڈیڑھ عشقیہ’ کا ٹریلر جاری کر دیا گیا ہے۔ڈیڑھ عشقیہ میں شاہی بیگم کے روپ میں ڈانسنگ کوئین مادھوری ڈکشٹ کی ادائیں فلم بینوں کو دیوانہ کر دیں گی۔ٹریلر میں مادھوری کے دیوانے اداکار نصیرالدین شاہ، ارشد وارثی کو عشق کے مقام سکھاتے نظر آ رہے ہیں۔بولی وڈ کی سال دو ہزار دس کی سپر ہٹ بلاک بسٹر فلم ‘عشقیہ’ کے بعد فلم کا سیکوئل ‘ڈیڑھ’ عشقیہ بھی تیار کیا گیا ہے۔
فلم میں بولی وڈ فلم انڈسٹری کے کئی نامور اداکاروں کی شرکت نے فلم کا مزہ دوبالا کر دیا ہے۔ڈیڑھ عشقیہ میں ورسٹائل اداکار نصیر الدین شاہ اور ارشد وارثی کے ہمراہ مادھوری اور ہما قریشی اپنی اداکاری کے جوہر دکھا رہی ہیں۔
عشقیہ کا جادو سر چڑھ کر بولا تھا اور اب ‘ڈیڑھ عشقیہ’ کے پہلے ٹریلر کے منظر عام پر آنے کے بعد شائقین کا کہنا ہے کہ مادھوری کا نیا انداز خوب جادو جگائے گا۔
ہدایتکار ابھیشک چوبے کی یہ کامیڈی اور سنسنی خیز فلم آئندہ سال دس جنوری کو ریلیز ہوگی۔
