کاجول پھر نظرآئیں گی شاہ رخ کے ساتھ

کبھی کاجول اور شاہ رخ خان کی جوڑی بالی ووڈ کی کامیاب جوڑی مانی جاتی تھی۔ کیونکہ اس جوڑی نے کئی کامیاب فلمیں دی ہیں۔ لیکن جب سے شاہ رخ خان اور کاجول کے شوہر اجے دیوگن کے درمیان ان بن ہوئی تب سے اس جوڑی کی فلمیں دیکھنے کو نہیں ملی۔ اب جب کہ اجے اور شاہ رخ کے درمیان کشیدگی کی دیوار گر چکی ہے تو پرانی کامیاب جوڑی ایک بار پھر پردے پر نظر آ سکتی ہے۔ مانا جا رہا ہے کہ یہ جوڑی روہت شیٹی کے ڈائریکشن میں بننے جا رہی اگلی فلم میں نظر آ سکتی ہے۔ روہت شیٹی کی فلم میں زبردست ایکشن اور رومانس ہوگا۔ اس کے لئے کاجول کو سائن بھی کر لیا گیا ہے اور امید ہے کہ ان کے اپوزٹ شاہ رخ کو لیا جا سکتا ہے۔ کاجول اور شاہ رخ خان کی جوڑی آخری بار دو ہزار دس میں فلم مائی نیم از خان میں نظر آئی تھی۔ کاجول کی طرح رانی مکھرجی بھی شاہ رخ کے ساتھ اپنی جوڑی کو اچھی مانتی ہیں۔ اس لئے وہ بھی ان کے ساتھ فلمیں کرنے کاکوئی موقع ہاتھ سے جانے نہیں دینا چاہتیں۔ ویسے ناظرین جس طرح کاجول – شاہ رخ کی جوڑی کو ترجیح دیتے ہیں اسی طرح رانی-شاہ رخ کی جوڑی کو بھی دیکھنا کافی پسند کرتے ہیں۔ کیونکہ یہ جوڑی بھی آن سکرین کافی اچھی لگتی ہے۔ شاہ رخ اور رانی کی جوڑی نے کبھی الوداع نہ کہنا، ویر زارا، کل ہو نہ ہو، چلتے چلتے، پہیلی، کبھی خوشی کبھی غم اور بامبے ٹاکیز جیسی سپر ہٹ فلمیں دی ہیں۔ اس لئے پردے پر ایک بار پھر
شاہ رخ-رانی کی جوڑی فین میں نظر آنے والی ہے۔