پلس پولیومہم کے تحت بچوں نے نکا لی ریلی

قنوج(ایجنسی ) ضلع میں عوام کو بیدارکرنے کیلئے بچوں نے پلس پولیو مہم کے تحت بیداری ریلی نکالی ۔ ریلی کو ضلع مجسٹریٹ نے ہری جھنڈی دکھا کر روانہ کیا۔ ضلع مجسٹریٹ ریلی میں شامل رہے۔ اتوار کو ضلع میں نوزائد سے پانچ سال کے بچوںکو پولیو کی خوراک پلانے کیلئے پلس پولیو مہم کا آغاز کیا گیاتھا۔مہم کے تئیں لوگوں کو بیدارکرنے کیلئے سنیچر کو چیف میڈیکل افسر دفترسے بچوںکی ریلی نکالی گئی ۔ ریلی میں مختلف اسکولوںکے بچوں نے حصہ لیا ۔ ریلی میں ضلع مجسٹریٹ راجیش کمار نے ہری جھنڈی دکھا کرروانہ کیا ۔ ریلی میں ضلع مجسٹریٹ کے علاوہ سی ایم او ڈاکٹر پی این باجپئی ، ایس ڈی ایم سنیل کمار شکلا ،ڈی آئی ای ایس کملیش کمار،ضلع اسپتال انچارج شامل تھے ۔ ریلی چیریاگنج ، جے پی گرلس انٹرکالج ، کچہری ٹولہ سے ہوتے ہوئے سی ایم او دفترپہنچ کر اختتام
پذیر ہوگئی۔