میری کام کے بزنس سے مطمئن ہوں:پرینکاچوپڑا

ممبئی: بالی ووڈ اداکارہ پریانکا چوپڑا نے کہا ہے کہ فلم ’’میری کوم‘‘ کے اب تک بزنس سے بے حد مطمئن ہوں۔اپنے انٹرویو میں کہا کہ فلم ’’میری کوم‘‘ جو حال ہی میں ریلیز ہوئی ہے فلم بینوں کے معیار پر پورا اتری ہے اوراس نے اچھا بزنس کیا ہے، وہ فلم کے بزنس سے مطمئن ہیں، یہ اتنے بڑے بجٹ کی فلم نہیں‘ فلم ’’میری کوم ‘‘ ایک مثال بنے گی کہ ایک خاتون کے مرکزی کردار والی فلم بھی اچھا بزنس کرسکتی ہے۔ فلم مبصرین اکثر ان سے یہ سوال کرتے ہیں کہ کیا آپ کو امید ہے کہ فلم آئندہ ہفتوں میں 100 کروڑ کا بزنس کرے گی۔وہ یہی کہتی ہیں کہ فلم 100 کروڑ کا ہی فلم بزنس کرے یہ دباؤ ان پر نہ ڈالا جائے اورنہ اس فلم کا سپر اسٹارز کی فلم سے موازنہ کیا جائے جو بڑے بجٹ سے بنائی جاتی ہیں۔ دوسری طرف پریانکا نے گزشتہ روز ممبئی کے ایک ویمن ایمپاورمنٹ سینٹر جا کر اپنی فلم کی تشہیر کی، سلائی سینٹر میں دورے کے دوران وہ لڑکیوں کے ساتھ بیٹھ کر سلائی بھی کرتی نظر آئیں۔ فلم 5 ستمبرکو ریلیز ہوئی تھی اور اس نے اب تک 39 کروڑ کا بزنس کرلیا ہے۔ فلم کی نمائش سینما گھروں میں جاری ہے۔ پریانکا چوپڑا کی نئی فلم ’’میری کوم ‘‘ سپر ہٹ ہوگئی اور اپنی ریلیز کے پہلے چار دنوں میں فلم نے اب تک 31 کروڑ سے زائد کا بزنس کرلیا۔اس کے ساتھ ہی فلم میری کوم نے رانی مکھر
جی کی فلم ’’مردانی ‘‘ کا ریلیز کے پہلے چار دنوں میں 22 کروڑ روپے کمانے کا ریکارڈ بھی توڑ دیا ہے۔ ایگزی بیٹر راجیش ٹھڈانی نے اس موقع پر کہا ہے کہ ایک چیمپیئن خاتون پر بننے والی اس فلم ’’میری کوم ‘‘ نے باکس آفس نے نمائشی اعتماد بھی بڑھا دیا ہے‘ فلم نے اپنی ریلیز کے قبل ہی بہت زیادہ بزنس کر لیا تھا۔ اداکارہ پریانکا چوپڑا نے کہا ہے کہ فلم ’’میری کوم ‘‘ میں کام نے ان کو خود کا دفاع سکھا دیا ہے اور اب وہ ضرورت پڑنے پر کسی کو بھی باآسانی پیٹ سکتی ہیں۔پریانکا نے کہا کہ وہ سمجھتی ہیں کہ ہر عورت کو اپنے دفاع کے لیے کوئی نہ کوئی ہنر سیکھنا چاہیے جیسے کہ وہ باکسنگ سیکھ گئی اور خود کو پہلے سے بہت بہتر محسوس کرتی ہیں فلم ’’میری کوم‘‘ کل جمعہ کو ریلیز کی جارہی ہے۔ساتھ ہی ممبئی سے یہ اطلاعات ہیں کہ ان دنوں بھارت میں پریانکا کی اس فلم ’’میری کوم ‘‘ کی عوام میں دلچسپی بڑھ گئی ہے اور فلم کی ریلیز کے دن کا لوگ بڑے جوش اور جذبے کے ساتھ انتظار کر رہے ہیں جب کہ مختلف میڈیا چینلز اور سوشل میڈیا پر بھی اس فلم کے چرچے ہیں، فلم کو شیڈول کے مطابق کل 5 ستمبر بروز جمعہ کو ریلیز کیا جائے گا۔