ممبئی: پاکستانی اداکار فواد خان بالی ووڈ والوں کے دلوں پر راج کررہے ہیں۔ خوبصورت آئی نہیں ہے کہ ہر طرف ان کا چرچا ہے۔خوبرو ہیرو کہتے ہیں کہ فی الحال وہ کوئی ایسی فلم کے اسٹار نہیں جس کی ہیروئن کرینہ کپور ہیں۔ فلم ’’خوبصورت‘‘ میں جہاں سونم کپور چھائی ہوئی ہیں وہیں ان کی جوڑی فواد خان سے کے ساتھ ہٹ سمجھی جارہی ہے۔
خبر گرم تھی کہ فواد خوبصورت کے بعد کرینہ کپور کے ساتھ بھی ایک مووی میں اداکاری کرنے والے ہیں لیکن فواد خان نے اس خبر کی تردید کرتے ہوئے کہا ہے کہ اس خبر میں کوئی صادقت نہیں، فی الحال تو وہ خوبصورت کی کامیابی کا انتظار کررہے ہیں جس کے بعد کوئی نئی فلم سائن کریں گے۔دوسری جانب پاکستانی گلوکار اور اداکار فواد خان کا کہنا ہے کہ انھیں اداکار ی اور ڈائریکشن ایک ساتھ کرنے میں کوئی اعتراض نہیں ہے لیکن زندگی کا اہم مقصد ڈائریکٹر بننا ہے۔بھارتی میڈیا رپورٹس کے مطابق اپنے ایک انٹر ویو میں فواد خان کا کہنا تھا کہ کیمروں کے پیچھے جو چیزیں ہورہی ہوتی ہیں ان کا بہت قریب سے جائزہ لینا میری عادت ہے، میں جانتا ہوں کہ میں ڈائریکشن کر سکتا ہوں، اداکار ی اور ڈائریکشن ایک ساتھ کرنا پسند کروں گا لیکن میری زندگی کی منزل ڈائریکشن ہی ہے
۔فواد خان کا کہنا تھا کہ میں ان اداکاروں میں سے ہوں جن کا دارومدار اپنے کندھوں پر ہے، میں جانتا ہوں کہ میں کس مقام پر کھڑا ہوں اور لئے چاہتا ہوں کہ لوگ میری عزت کریں اور جب میں نے بالی ووڈ میں کام کا آغاز کیا تو اس وقت بھی میری سوچ یہی تھی۔ ان کا کہنا تھا کہ میں 3 ایڈیٹس اور منا بھائی ایم بی بی ایس کی طرح کی فلمیں کرنا چاہتا ہوں جس میں لوگوں کو اپنی طرف متوجہ کرنے کے ساتھ ساتھ اچھی اسٹوری بھی ہو اور ان کے کردار یادگار ہوں۔وہیںفلم کی ہیروئین بالی وڈ اداکارہ سونم کپور نے کہا کہ وہ حقیقی زندگی میں بھی تھوڑی پھوہڑ ہیں۔اداکارہ سونم کپور نے اپنے حالیہ انٹرویو میں بتایا کہ فلم ’’خوبصورت‘‘ میں وہ پھوہڑ لڑکی کا کردار ادا کررہی ہیں وہ اپنے مداحوں کو یہ بتانا چاہتی ہیں
کہ حقیقی زندگی میں بھی وہ تھوڑی سی پھوہڑ ہیں۔ اداکارہ نے بتایا کہ انھیں فلم میں یہ کردار نبھانا مشکل لگا کیونکہ فلم میں آپ کو اکثر حقیقی زندگی سے ہٹ کر کردار ادا کرنا پڑتا ہے فلم کی کہانی تمام ان لڑکیوں کے لیے ہے جو دوسروں کے لیے خود کو بدلنا نہیں چاہتی ہیں فلم ’’خوبصورت‘‘ رشیکیش مکھرجی کی 1976ء کی سپرہٹ فلم ’’خوبصورت‘‘ کی ریمیک فلم ہے فلم کی ہدایات ششنکا گھوش جب کہ پروڈیوسر سونم کی بہن ریحا ہیں۔دوسری طرف 29 سالہ اداکارہ سونم کپور نے اپنے ایک بیان میں کہا ہے کہ ’’میں ابھی تک سنگل ہوں اور اپنے لیے ایک ایسا آدمی تلاش کر رہی ہوں جو مجھے نیچے نہ گرنے دے‘ میں اپنی تمام کہانیاں اپنے بچوں کے ساتھ شیئر کرنا چاہوں گی اور ایسا کوئی تاثر نہیں دیکھنا چاہتی جو مجھے نیچا کردے‘ میں ایک پروڈیوسر بھی بننا چاہتی ہوں‘‘۔
