تیجا اور شروتی ہاسن کی جوڑی پھر ہوگی جلوہ گر

مشہور ڈائرکٹر سرینو ویٹلا، رام چرن تیجا کو لے کر جلد ہی ایک نئی فلم شروع کرنے جارہے ہیں۔ اس فلم میں رام چرن تیجا کے ساتھ ہیروئین کے لئے شروتی ہاسن سے بات کرلی گئی ہے۔ اس سے قبل بھی رام چرن تیجا اور شروتی ہاسن سوپر ہٹ فلم ’’ایوڈو‘‘ میں کام کرچکے ہیں۔ یہی وجہ ہے کہ ڈائرکٹر سرینو ویٹلا کی نئی فلم میں ایک بار پھر سے اس سوپر ہٹ جوڑی کو دہرایا جارہا ہے۔ فی الحال توڈائرکٹر سرینو وٹیلا سوپر اسٹار مہیش بابو کی فلم ’’آگوڈو‘‘ کی تیاری میں ہے۔ اس فلم میں مہیش بابو کے ساتھ ہیروئین کے روپ میں تمنا بھاٹیہ نظر آئیں گی، لیکن مہیش بابو کے ساتھ شروتی ہاسن نے ایک آئٹم گیت کیا ہے۔ اس کے علاوہ مہیش بابو و ڈائرکٹر کورٹلا شیوا کی فلم کے لئے بھی شروتی ہاسن نے ہاں کردی ہے۔ اس طرح سے دیکھا جائے تو شروتی کی مانگ دن بہ دن بڑھتی جارہی ہے۔