پٹیل میچ فاتح کھلاڑی ہے:جارج بیلی

موہالی۔ کنگز الیون پنجاب کے کپتان جارج بیلی نے کیپ کوبراج کے خلاف کل چمپئن لیگ ٹی 20 میں شاندار کارکردگی کا مظاہرہ کرنے والے نوجوان اسپنر اچھر پٹیل کی جم کر تعریف کرتے ہوئے انہیں اصلی میچ فاتح قرار دیا۔بیلی نے میچ کے بعد نامہ نگاروں سے کہا وہ کسی بھی صورت میں بولنگ کر سکتا ہے اور ہمارے لئے اصلی میچ فاتح بن سکتے ہیں۔اس کا مظاہرہ واقعی خوشگوار احساس ہے۔اگر آل راؤنڈر کی بات کریں تو وہ خاص ہے۔چاہے بلے بازی ہو یا فیلڈنگ وہ ہمارے لئے
بہت اہم ہے اور اس کی گیندبازی لاجواب ہے۔پنجاب نے کیپ کوبراج کو سات وکٹ سے شکست دے دی اور وہ گروپ بی میں چار جیت کے ساتھ سب سے اوپر پر رہا۔بیس سالہ پٹیل نے 15 رن دے کر تین وکٹ لئے اور انہیں مین آف دی میچ منتخب کیا گیا۔اس سے پہلے پٹیل نے پی ٹی آئی سے کہا کہ انہیں لگتا ہے کہ آئی پی ایل اور چمپئن لیگ کھلاڑیوں کیلئے اپنی مہارت دکھانے کا اچھا پلیٹ فارم ہے۔انہوں نے کہا آئی پی ایل اور چمپئن لیگ میں اگر آپ بہترین کارکردگی کا مظاہرہ کرتے ہو تو فوری طور پر پہچان ملتی ہے۔