سڑک حادثات میں سبکدوش فوجی سمیت دو ہلاک

لکھنؤ: سائیکل سوار سبکدوش فوجی کو تیز رفتارموٹر سائیکل سوار نوجوان نے ٹکر مار دی۔ ٹکر لگنے سے زخمی فوجی کی اسپتال میں علاج کے دوران موت ہو گئی۔دوسری جانب ٹھاکر گنج میںایک کار الٹنے کے سبب ڈرائیور کی موت ہو گئی۔ موصولہ خبر کے مطابق ایل ڈی اے کالونی کا باشندے سبکدوش فوجی نند بہاری (۶۶) سائیکل سے کمانڈ دفتر جا رہا تھا۔ دفتر سے جب وہ واپس گھر آرہا تھا تو مخالف سمت سے آرہے موٹر سائیکل سوار نوجوان نے اس کی سائیکل میں ٹکر مار دی جس کے بعد وہ گر کرشدید طور سے زخمی ہو گئے۔آس پاس کے لوگوں نے نند بہاری کو کمانڈ اسپتال میں داخل کرایا جہاں علاج کے دوران اس کی موت ہو گئی۔ اسی سلسلہ میں سیتاپور کے نظام باغ کا باشندہ بچو لال یادو (۴۴) سیتاپور سے ٹاٹا میجک میں بھینسیں لیکر لکھنؤ واقع دوبگا منڈی آیا ہوا تھا۔ منڈی میں بھینسیں اتارنے کے بعد وہ واپس گھر جا رہا تھا اسی دوران گھیلا پل کے قریب گاڑی کے سامنے کار آگئی اور بچو رفتار پر توازن برقرار نہ رکھ سکا اور گاڑی الٹ گئی۔ مقامی لوگوں نے بچو لال یادو کو گاڑی سے باہر نکالا اور حادثہ کی اطلاع پولیس کو دی۔ موقع پر پہنچ کر ٹھاکر گنج پولیس نے اسے ٹراما سینٹر میں داخل کرایا جہاں اسے مردہ قرار دے دیا گیا۔