چوری کرنے والا نوجوان گرفتار

لکھنؤ: مال علاقہ میں چوری کی نیت سے گھر میں کودنے والے نوجوان کو مکان مالک نے پکڑلیا اور اس کی پٹائی کرنے کے بعد پولیس کے حوالے کر دیا۔ مال کے موئی خورد گاؤں کے باشندے شیو لال نے بتایا کہ وہ اپنے کنبہ کے ساتھ گھر میں سو رہا تھا۔ دیر رات اسے کچھ آواز سنائی دی ۔ شیو لال نے اٹھ کر دیکھاکہ اس کے گھر میں ایک نوجوان چھپا ہوا بیٹھا تھا جو چوری کی نیت سے گھر میں داخل ہوا تھا۔ نوجوان کو دیکھ کر شیو لال نے شور مچا دیا جس کے سبب گھر کے دوسرے لوگ بھی بیدارہو گئے۔ پڑوسی بھی شور کی آواز سن کر شیو لال کے گھر کے باہر جمع ہو گئے۔ لوگوں کی مدد سے شیو لال نے چور کو پکڑ لیا۔ پوچھ گچھ کے دوران اس نے اپنا نام گوری بتایا۔ شیو لال نے چور کو پولیس کے حوالے کر دیا۔