’اکیس توپوں کی سلامی‘لیں گی نیہا دھوپیا

مارکیٹ کا اثر اب بالی ووڈ پر بھی صاف نظر آنے لگا ہے اس لئے کہ اب فلمیں لوگوں کی تفریح کے علاوہ کمائی کو ذہن میں رکھ کر ہی بنائی جانے لگی ہیں۔ کوئی فلم کس طرح زیادہ سے زیادہ کمائی کا ذریعہ بنے اس طریقے کو اپنانے سے ذرا بھی گریز نہیں کیا جاتا۔ اس کی تازہ مثال ہے مس انڈیا رہ چکی اور فلم جولی میں اپنے بولڈ و ہاٹ سین سے سنسنی پھیلا دینے والی بالی ووڈ اداکارہ نیہا دھوپیا کی فلم ’اکیس توپوں کی سلامی‘۔ اس فلم میں بھی پرانے انداز کو نیا کلیور دینے کی کوشش کی گئی ہے۔ نوٹنکی فلمز کے بینر تلے بننے والی اس فلم میں نیہا دھوپیا پر پرانے گیتوں اور ڈانس کو فلمایا گیا ہے۔ فلم میں نیہا دھوپیا بالی ووڈ کی کچھ مشہور اور جانی مانی اداکاراوں جیسے ہیلن، زینت امان، سری دیوی، مادھوری دکشت اور ایشوریہ رائے کی اداؤں کو ہوبہوگانوں میں پیش کریں گی۔ فلم کے گانے میں نیہا ان تمام ہیروئنوں کے کچھ ہٹ گانوں پر بالکل اسی سیٹ اپ ڈانس، میک اپ اور کاسٹیوم میں نظر آئیں گی۔ دوسری طرف بالی وڈ کی معروف اداکارہ نیہا دھوپیا کا کہنا ہے کہ وہ اپنی مقبول فلم ’جولی‘ کا سیکوئل کرنا ہی نہیں چاہتیں کیونکہ سیکوئلز نئے خیالات کے فقدان کا نتیجہ ہوتے ہیں۔فلم ’اکیس توپوں کی سلامی‘ کی ہیروئن نیہا دھوپیا نے کہا: ’مجھے اب جولی جیسی فلموں کی ضرورت نہیں ہے۔ مجھے لگتا ہے کہ آپ نے جو ایک بار کر دیا بس کر دیا۔‘فلم ’اکیس توپوں کی سلامی‘ میں وہ ایک بدنام لڑکی جے پربھا کا کردار ادا کر رہی جو قدرے مختلف ہے۔نیہا دھوپیا ملکہ حسن کا خطاب جیتنے کے بعد فلموں میں آئیں تھیں اور انھوں نے ’قیامت‘ اور ’جولی‘ جیسی مقبول فلمیں کی تھیں۔اس کے بعد ان کی بہت کامیاب فلمیں منظر عام پر نہیں آئیں البتہ گذشتہ دنوں ’پھنس گئے رے اوباما‘ جیسی فلموں میں وہ نظر آئی ہیں۔نیہا کا کہنا ہے کہ اگر لوگوں کو ایسا محسوس ہوتا ہے کہ وہ شہوت انگیز ہیں تو انھیں اس سے کوئی پریشانی نہیں ہیفلم ’جولی‘ سے انھیں بہت شہرت ملی تھی تاہم اب وہ اس کا سیکوئل یا ’جولی2‘ نہیں کرنا چاہتی ہیں۔نیہا نے کہا: ’میرے خیال سے سیکوئل تب بنتا ہے جب کسی فلم ساز کے پاس نیا آئیڈیا نہیں ہوتا۔ جو اچھا فلم ساز ہوگا وہ ہمیشہ نئی کہانی کے بارے سوچیگا۔‘گنی چنی ہٹ فلموں میں کام کرنے والی اداکارہ نیہا دھوپیا کو کیا رول کے لئے جدوجہد کرنی پڑتی ہے یا پھر انہیں خود بہ خود رول مل جاتے ہیں؟اس بارے میں نیہا نے کہا: ’رول کے لیے تھوڑی بہت محنت کرنی پڑتی ہے پر مجھے اچھا لگتا ہے اگر کوئی میرے پاس رول کا آفر لے کر آتا ہے تو مجھے بے حد اچھا لگتا ہے۔‘فلم ’جولی‘ سے انھیں بہت شہرت ملی تھی تاہم اب وہ اس کا سیکوئل یا ’جولی2‘ نہیں کرنا چاہتی ہیںبعض لوگوں کا خیال ہے کہ نیہا دھوپیا کا نام آتے ہی ایک بہت ہی خوبصورت، شہوت انگیز اور متوالی قسم کی اداکارہ کی تصویر ابھرتی ہے تاہم نیہا کا کہنا ہے کہ وہ بالکل بھی ’سیکسی‘ نہیں ہیں۔تاہم انھوں نے کہا کہ اگر لوگوں کو ایسا محسوس ہوتا ہے کہ وہ شہوت انگیز ہیں تو انھیں اس سے کوئی پریشانی نہیں ہے۔