سڑک حا د ثہ میں ایک ہی کنبے کے تین افراد ہلاک

وارانسی، 13 اکتوبر (یو این آئی) اترپردیش میں وارانسی کے پھول پور علاقے میں کل دیر رات ایک سڑک حادثہ میں ایک ہی کنبہ کے تین افراد ہلاک اور ایک دیگر بری طرح زخمی ہوگیا۔
پولیس کے مطابق میرا شاہ تراہے کے نزدیک ایک کار نے ایک موٹر سائیکل کو اپنی زد میں لے لیا۔
اس حادثہ میں موٹر سائیکل سوار ببلو (36)، اس کی بیوی ریتا (32) اور اکلوتے بیٹے آکاش (08) کی موقع پر ہی موت ہوگئی جبکہ اس کی بیٹی خوشی (12) شدید زخمی ہوگئی۔
حادثہ کے بعد کار ڈرائیور کار چھوڑ کر فرار ہوگیا ۔ زخمی بچی کو ضلع اسپتال میں داخل کرایا گیا ہے جہاں اس کی حالت نازک ہے۔