سڑک حاد ثہ میں خاتون ہلا ک

کانپور(نامہ نگار)کلیان پور تھانہ علاقہ میں مخالف سمت سے آرہے ٹرک نے سڑک پار کرتے ہوئے ایک خاتون اور اس کے بھانجے کو ٹکر مار دی۔ ٹکر لگنے کی وجہ سے دونوں شدید طور سے زخمی ہو گئے۔ حادثہ کے بعد ڈرائیور ٹرک لے کر فرار ہو گیا۔ اطلاع ملنے کے بعد پولیس زخمی خاتون کو جب اسپتال لے جا رہی تھی تو راستے میں ہی اس کی موت ہو گئی ۔خبر کے مطابق کلیان پور تھانہ علاقہ میں واقع لکھن پور گاؤں کا باشندہ شری رام ملازمت کرتا ہے۔ شری رام نے بتایا کہ اس کے بھانجے کی طبیعت خراب تھی اور اس کی بیوی بھانجے کو لے کر ڈاکٹر کے پاس جا رہی تھی۔ اسی دوران تیز رفتار ٹرک نے انہیں ٹکر ماردی جس سے اس کی بیوی کی موت ہو گئی۔