گوچ نے پیٹرسن کے الزامات کو مسترد کیا

لندن۔انگلینڈ کے سابق کپتان گراہم گوچ نے کیون پیٹرسن کی متنازعہ سوانح عمری میں
سابق کوچ اینڈی فلاور اور وکٹ کیپر میٹ پرائر کے بارے میں لکھی باتوں کو مسترد کرتے ہوئے ایلیسٹیر کک کی قیادت والی انگلینڈ کی ٹیم کو اس معاملے پر اپنی خاموشی توڑنے کیلئے کہا ہے۔ گوچ نے ڈیلی ٹیلگراف اخبار میں لکھاکیون پیٹرسن اپنی بات کہنے کیلئے آزاد ہیں۔ وہ انگلینڈ کیلئے میچ ونر ہیں۔ میں ان کے بیان پڑھ کر دکھی ہوں اور ان کی زیادہ تر باتوں سے اتفاق نہیں رکھتا۔ انہوں نے فلاور کو انگلینڈ ٹیم کا محرک قرار دیتے ہوئے کہاں اینڈی کو انگلینڈ کا محرک کہوں گا۔ اس نے ڈریسنگ روم میں ٹھنڈے اور عزم کا ماحول پیدا کیا۔ کھیل کے ہر شکل میں تیاری کو لے کر وہ کافی مصروف عمل رہتا تھا۔