آئی ایس ایل میں ممبئی کا سامنایونائٹیڈ ایف سی سے آج

ممبئی۔پونے سٹی ایف سی کو 5۔0 سے شکست دینے کے بعد اعتماد سے بھری ممبئی سٹی ایف سی کی ٹیم کل یہاں انڈین سپر لیگ کے اپنے اگلے میچ میں نارتھ ایسٹ یونائٹیڈ ایف سی کے خلاف بھی اپنی اس شاندار فارم کو جاری رکھنے کے ارادے سے میدان میں اترے گی۔ ایٹلیٹکو ڈی کولکتہ سے ابتدائی میچ میں 0۔3 کی شکست کی مایوسی کے بعد واپسی کرنے والی میزبان ٹیم کے کوچ پیٹر ریڈ نے کہا کہ ٹیم
کی کارکردگی سے وہ بہت خوش ہیں۔ ریڈ نے میچ سے موقع پر صحافیوں سے کہاسابقہ نتائج شاندار تھا اور ہم اس فارم کو جاری رکھنا چاہتے ہیں۔ہم اس میں پانچ گول کرکے اور گول نہیں گنوانے سے کافی خوش ہیں کیونکہ گول نہیں گنوانے کا ریکارڈ رکھ کر آپ فٹ بال میچ نہیں گنوا سکتے۔ کپتان سعید رحیم نبی ابتدائی میچ میں ٹخنہ زخمی کرنے کی وجہ سے پہلا گھریلو میچ نہیں کھیل سکے تھے، ریڈ نے کہا کہ وہ فٹ ہیں۔ انہوں نے کہا نبی ٹریننگ کرے گا۔ہم اس کی دیکھ بھال کر رہے ہیں لیکن اب وہ کھیلنے کے لئے فٹ ہے۔وہ کافی تجربہ کار اور مسلسل کھلاڑی ہے۔میں اسے فٹ دیکھ کر خوش ہوں۔ نارتھ ایسٹ یونائٹیڈ کی ٹیم مخالف ٹیم کے میدان پر پہلے میچ میں جیت سے واپسی کرنا چاہے گی۔ اداکار جان ابراہم کی ٹیم نے پہلے میچ میں کیرلا بلاسٹرس کے خلاف جیت درج کی تھی لیکن اگلے میچ میں وہ ایٹلیٹکو ڈی کولکتہ سے ہار گئی تھی اور پھر اس نے ایف سی گوا سے ڈرا کھیلا تھا۔اچھی کارکردگی کا مظاہرہ کرنے کے باوجود ٹیم نیٹ میں فٹ بال پہنچانے میں جوجھتی رہی ہے اور اس نے تین میچوں میں صرف دو گول داغے ہیں۔لیکن ممبئی کے خلاف وہ اسے تبدیل کرنا چاہے گی۔ کوچ رکی کربرٹ نے کہا کہ وہ جارحانہ فٹ بال کھیلیں گے۔