خاتون کی سونے کی چین چھین کر دوبد معاش فرار

لکھیم پور کھیری۔ کوتوالی صدرعلاقے میں بازار سے خریداری کرنے کے بعد رکشہ سے واپس گھر جارہی خاتون کے گلے سے چین کھینچ کر دوموٹرسائیکل سوار فرار ہوگئے۔ موصولہ اطلاعات کے مطابق محلہ ہاتھی پور کوٹھار کے رہنے والی سروج رستوگی (۵۶)دیوالی کے سلسلے میںبازار سے خریداری کرکے گھرواپس آرہی تھی۔ گھر کے قریب ہی رکشہ والے کو پیسہ دینے کیلئے رکشہ سے اتری تودوموٹر سائیکل سوار اس کے گلے سے سونے کی چین اور لاکٹ چھین کر سیٹھ گھاٹ روڈ کی طرف فرار ہو گئے ۔ اس سلسلے میں پولیس میں رپورٹ درج کرادی گئی۔