چارنوجوانوں کی سڑک حادثہ میں دردناک موت

فتح پور(نامہ نگار)ممبئی سے کماکر بذریعہ کار آرہے چارنوجوانوں کی سڑک حادثے میں موت ہوجانے سے کنبے میں کہرام مچ گیا۔علی الصبح ڈرائیورکو جھپکی آنے سے اتنا دردناک حادثہ ہوا جس کا ا ندازہ کسی کو نہیں تھا۔ضلع کے بکیورتھانہ حلقہ کے قصبہ واقع ایس بی پٹرول پمپ کے سامنے ہائیوے پر کھڑے ٹینکر میں پیچھے سے آرہی جیلوکاربے قابو ہوکر جاکھسی جس سے بندکی کوتوالی حلقہ کے موضع بہٹا کے باشندے رجب کے ۲۵سالہ بیٹے عارف، اسی تھانہ حلقہ کے منوٹی گائوں کے رہنے والے الیاس کے ۲۵؍سالہ بیٹے فیصل عرف پپوباندہ ضلع کے موضع درونی تھانہ ببیروکے رخسارولد اسلم تینوں ممبئی میں فریج کا کام کرتے تھے بتایاجاتاہے کہ گزشتہ شب تینوں ڈرائیورنبی کے ساتھ کارسے گھر آرہے تھے صبح سات بجے جیسے ہی کاربکیورقصبہ ایس ڈی پٹرول پمپ کے سامنے پہنچی بے قابو ہوکر لبے سڑک کھڑے انڈین آئل کے ٹینکر کے پیچھے سے جاکھسی جس کی وجہ سے تینوں کی موت ہوگئی۔ڈرائیورشدید زخمی ہوگیاجس کی اسپتال لے جاتے وقت راستے میں موت ہوگئی۔