لکھنؤ۔ (نامہ نگار)۔موہن لال گنج کے احمد کھیڑا گاؤںمیں گزشتہ شب دو گھروں میں نقب زنی کر کے چوری کرلی۔ چوروںنے نقد روپئے و زیورات پر ہاتھ صاف کردیا۔ متاثرین نے اطلاع ہونے کے بعد دوسرے دن کوتوالی جاکر نامعلوم چوروں کے خلاف معاملہ درج کرایا ہے۔
احمد کھیڑا کی رہنے والی سنتوش کماری کے مطابق گزشتہ سنیچر کی شب وہ اپنے کنبہ کے ساتھ سو رہی تھی تبھی نامعلوم چوروں نے اس کے گھر میں نقب لگاکر چوری کرلی۔ چوروںنے ان کے گھر میں رکھے بکسے کا تالا توڑ کر اس میں رکھے ہزاروں روپئے و سونے چاندی کے زیورات چرا لے گئے جس کی اطلاع انہیں اتوار کی صبح ہوئی۔ وہیں دوسری جانب اسی گاؤں میں رہنے والے کشن پال کے گھر بھی گزشتہ شب میں ہی نامعلوم چوروں نے رکھے نقد روپئے و زیورات چوری کر لئے۔ دونوں گھروں کے متاثرین نے پولیس کو تحریر دے کرنامعلوم لوگوں کے خلاف چوری کا مقدمہ درج کرایا ہے۔
