جشن لکھنؤ کے مد نظر راستوں میں تبدیلی

لکھنؤ: جشن لکھنؤ کے مد نظر ٹریفک پولیس نے ٹریفک نظام میں تبدیلی کی ہے۔ بنگلہ بازار چوراہے سے بجلی پاسی قلعہ چوراہا کی طرف جشن لکھنؤ کی طرف جانے والی گاڑیوں کے علاوہ عام گاڑیاں سپورٹ گنج پل ہوکر پکری پور روڈ ہوتے ہوئے اپنی منزل کی طرف جا سکیں گی۔ اسی طرح بجلی پاسی قلعہ نزد ریلوے کراسنگ سے پراگ ڈیری بجنور روڈ سے راجدھانی میں آنے والی گاڑیاں بجلی پاسی قلعہ چوراہے کی طرف نہیں جا سکیں گی بلکہ پراگ ڈیری یا بجنور روڈ کی طرف سے ہوتے ہوئے اپنی منزل کی طرف جائیں گی۔ پاور ہاؤس چوراہے سے آنے والی گاڑیاں جشن لکھنؤ کی طرف نہیں جا سکیں گی یہ گاڑیاں پراگ ڈیری سے پکری پل روڈ ہوتے ہوئے اپنی منزل کی طرف جائیں گی۔ اسی طرح چوراہا بجلی پاسی قلعہ سے اوسری گاؤں بازار سہ راہے تک عام راستہ بند رہے گا۔ خزانہ مارکیٹ چوراہے سے اسمرتی اپون چوراہا تک جشن لکھنؤ آنے والی گاڑیاں اندر نہیں آسکیں گی۔ چانسلر کلب سہ راہے سے اوسری سہ راہے کے درمیان جشن میں شرکت کیلئے گاڑیاں نہیں آسکیں گی ۔اس کے علاوہ پولیس نے وی آئی پی پارکنگ،جنرل پارکنگ اور کمرشیل پارکنگ کا بھی انتظام کیا ہے۔