تین د سمبرکوراہل گاندھی کی امیٹھی میں آمد

امیٹھی(بھاشا)آل انڈیاکانگریس کمیٹی کے قومی نائب صدر راہل گاندھی آئندہ تین دسمبر کو اپنے پارلیمانی حلقہ امیٹھی کے دوروزہ دورے پر آرہے ہیں راہل گاندھی کے نمائندے چندپرکاش دوبے نے بتایاکہ راہل گاندھی تین دسمبر کو تلوئی، سلون،جگدیش پور،گوری گنج کا دورہ کریں گے۔اورپارٹی کارکنان سے ملاقات کریں گے ۔ تنظیم کومضبوط کرنے پر تبادلہ خیال کریں گے۔ دوبے نے بتایاکہ راہل گاندھی چاردسمبر کومنشی گنج گیسٹ ہائوس میں لوگوں سے ملاقات کرکے ان کے مسائل کی سماعت کریں گے۔انھوں نے بتایاکہ اسی دن راہل گاندھی اندراگاندھی آنکھ اسپتال کے دس سال مکمل ہونے کے سلسلے میں منعقد پروگرام میں مہمان خصوصی کی حیثیت سے شامل ہوںگے اوراسی دن دہلی روانہ ہوجائیں گے۔