ورلڈ کپ ٹیم میں سینئر کھلا ڑیوں کو نہیں ملی جگہ

سہواگ،یوراج،گمبھیر،ہربھجن ،یوسف پٹھان اورظہیرخان باہر
ممبئی۔ وریندر سہواگ،یوراج سنگھ اور گوتم گمبھیر جیسے سینئر کھلاڑیوں کو اگلے سال آسٹریلیا اور نیوزی لینڈ میں ہونے والے ورلڈ کپ کیلئے ہندوستان کے 30 ممکنہ کھلاڑیوں میں شامل نہیں کیا گیا ہے۔ ورلڈ کپ 2011 فاتح ٹیم کے رکن رہے آف اسپنر ہربھجن سنگھ اور فاسٹ بولر ظہیر خان بھی اس میں جگہ بنانے میں ناکام رہے ہیں۔ سلیکشن کمیٹی کے اجلاس کے بعد بی سی سی آئی کے سیکرٹری سنجے پٹیل نے آج ممکنہ کھلاڑیوں کا اعلان کیا۔ ان کے علاوہ فاسٹ بولر اشیش نہرا، مناف پٹیل، اسپنر پیوش چاولہ اور آل رائونڈریوسف پٹھان بھی باہر ہوئے ان کھلاڑیوں میں سے ہے جو 2011 کی چمپئن ٹیم می
ں تھے۔ گھریلو سیشن میں مسلسل اچھی کارکردگی کا مظاہرہ کرنے والے جموں کشمیر کے آل رائونڈرپرویز رسول، اتر پردیش کے اسپنر کلدیپ یادو، بلے باز منیش پانڈے اور کیدار جادھو اور اسپنر پٹیل جگہ بنانے میں کامیاب رہے ہیں۔ ورلڈ کپ کے ممکنہ کھلاڑی:مہندر سنگھ دھونی، شکھر دھون، روہت شرما، اجنکیا رہانے، رابن اتھپا، وراٹ کوہلی، سریش رینا، امباتی رائیڈو، کیدار جادھو، منوج تیواری، منیش پانڈے، ردھمان ساہا، سنجو سیمسن، آر اشون، پرویز رسول، کرن شرما، امت مشرا، روندر جڈیجا، اچھر پٹیل، ایشانت شرما، بھونیشور کمار، محمد سمیع، امیش یادو، ورون آرون، دھول کلکرنی، اسٹورٹ بننی، موہت شرما، اشوک ڈنڈا، کلدیپ یادو اور مرلی وجے۔