ٹریکٹرٹرالی پلٹنے سے د ولوگوں کی موت

بدایوں(بھاشا)اترپردیش میں بدایوں ضلع کے کنور گنج علاقہ میں ایک ٹریکٹر ٹرالی کے بے قابو ہوکر پلٹ جانے سے اس پر سوار دولوگوںکی موت ہوگئی۔ پولیس ذرائع نے آج یہاں بتایاکہ برکھن گائوں کے باشندہ ۵۵سالہ سودان سنگھ اوراس کا ۱۸سالہ بھتیجا پیارے کل رات ٹریکٹر ٹرالی سے اینٹ کی سپردگی کرکے واپس لوٹ رہے تھے۔ راستے میں کنورگائوں مورپر ٹریکٹرٹرالی ڈرائیور مول چندقابو کھوبیٹھا اورگاڑی سڑک کنارے بنے گہرے گڈھے میں جاگری ۔ا نھوں نے بتایا کہ اس حادثہ میں ٹریکٹر ٹرالی کے نیچے دبے سودان سنگھ اورپیارے کو اسپتال لے جایا گیا جہاں ڈاکٹروں نے انھیں مردہ قرارد ے دیا۔ ذرائع کے مطابق ٹریکٹرٹرالی ڈرائیور اور اس پر بیٹھا ایک شخص بھاگ گئے۔پولیس نے لاشوں کا پوسٹ مارٹم کرایا ہے۔